海闊天空 Under A Vast Sky

17年了，香港有好多ＢＡＮＤ好多組合，
就是沒有再出現拍得住家驅的音樂.........
Metro Version............ 另一個表達來悼念我們的８０／９０年代.....

那時好像每件東西，每件事都很精彩，海闊天空
現在大家埋頭落幹，努力為著我們所謂的未來～
辛苦不要緊，可是這片土地上，欠缺了太多的調劑品了～
從前的精采今天好像都不見了.....

陳綺真MV：還是會寂寞

已經加班了第四個晚上了，每晚你看見熟睡的我，我每個早上又看見熟睡的你，
仍然感覺很久不見了， 我並不是要纏著不放的女人，
為何就會想得這樣痴纏.....

小事化大

看肥皂劇，"為什麼你總是小事化大～”

這對白應該時常聽見，男人總認為女人小事化大，
為何不好好地想想這一丁點小事呢，
為何不將這丁點兒小事處理好，是不是希望將來好等它變成無法修補的大事才去處理？！

我看了

明人不做暗事，女人都會做的事(將責任推得一乾二凈），
我承認剛剛做了人生第一次侵犯別人私隱的事，偷看了男友的電郵，真的是第一次，
因為重來無需要這樣做，別人的事我懶管，
在於我我立場與偏見，我不知道在一個愛人面前要有什麼隱藏，
沒有什麼新奇刺激的事，因為人家所經歷的所受的我都經歷過，
看到多個第幾天，只是又喚起當天的痛楚～
哭得死去活來，要生要死，年少無知的我還白白送上我愛的工作，
多幸福，至少一生有兩個女人為一個男人愛得透切，
未到死那刻都不知誰勝誰負，愛嘛，怎樣量度，
我從來也沒有勝利感覺，只是覺得愛總是磨人，
另一方面，就是愛得難，才令人份外珍惜，

看了多幾偏，感覺或許她跟你很像，至少給我感覺會跟你比我合，
我也不知道為何會是我，如果沒有再找你，結局又會如何，又想多了～
我不知道，很奇怪地～ 認識多了，感覺虛模了～

還有一個比較有幫助的事情，我不認識我愛的人身邊一切任何事情，我不見得光嘛？！這一點是最令人難受～

再來～

對於好多關係～ 大家定義可能都會有或多或少既差別～

最錯相信係一Ｄ重𣿫左既關係，例如朋友，同事～

係呢幾年，痛苦地要記住一句說話 ： 佢係你上司，要尊重佢
令我已經由透不過氣，變得鬆容面對～

再又黎上星期發生一件小事情，好歹不分高底，都算係朋友丫，
某某然地直接同老闆講要變動什麼上班時間，
尊重,～ 成日要我尊重人，我想問有無人去尊重我～

日常工作，現在對我來說，一點都不難，
最難在於夾在中間，一個蠢，一個無記性，咁我點呀？！

所有工作上都能架御，最難嘛，對住一班無打算去記野既人～ 我一邊做，一邊重覆地去report我既工作，
實情呢？！ 關心的只係老闆問起佢唔洗口啞啞～

我就黎痴線～

唔公平

唔公平三個字.... 只會出現係一d唔記得左係d咩人既口中, 類似唔努力呀, 總之係負面架啦~~

所以我提我自己, 比心機做, 人地一定見到........

但係點解呢, 我永遠做左好多好多野出黎.... 側邊無數咁多人讚好, 享受的當時人總係無動於中呢?! 最多最多咪就係一句半句tum下你既說話囉~~

今日個客當住老闆面前讚我, 亦都當住老闆面前指我的上司不是, 咁又點, 開頭係有dd咁多高興, 但係再諗耐d~~ 有幾多野我做左又明顯不過~~ 但係永遠係咪我未夠班???!!! 條友下下出問題佢下下經驗淺慢慢學~~ 公平咩???!!!!!

由於負能量的增加...... 導致負能量抗大, 你地任何相關人事~~ 你地話比我聽, 我做人地個女, 做人地家姐, 做人地下屬, 做人地同事, 做人地女友有邊一樣你地唔滿意??????!!!!!!

但係我超級不滿意你地既表現...... 不滿意你地既反應........ 你地既冷淡!!!!!!!

問問題

我愛跟不同人傾計，係呀～ 好多野傾架我～
因為同一問題會有很多不同答案，不同見解，
同自己一樣既有，完全相反都有，另類看法也有，

唔係要搵答案，唔係搵野去說服自己～
最少令自己不會 "諗埋一邊” ，

multiple choice 得ＡＢＣＤ，問多幾個人，或者有ＥＦＧＨ～～
無標準答案～

講左咁耐～ 實情想講，今晚又問左朋友一個問題，
and then~~ 有Ｄ不高興，好似終於問到個答案咁～
然後不停反問自己，是這樣嗎？！ 為何會這樣，如果真係咁，
我接受唔到囉，好矛盾囉，覺得自己走左入掘頭路，

有Ｄ野真的不知道還是不想知道呢？！
今日有人叮左一聲咁～

我應該點做....

playing piano

對於鋼琴，我愛聽美妙的琴聲，看見懂彈琴的男生就會直覺地～ 嘩～ 很有內涵～

自己嘛，從來沒有渴望過，從小就會覺得這是天方夜譚，等同跟爸媽說想環遊世界一樣，不會發生在自己身上，所以都沒有提出過任何關於想彈琴這回事～

印象中，曾經在文具店的廚窗看見一部小得很小的“電子琴” 又不是真的一部電子琴，只有手掌般大，按見只是一小粒黑色膠粒～ 望著望著，等待媽媽買完餸回來找我，我跟媽說，我生日那天，你買這個給我好嘛？！ 我記得是$16.5, 所以不用等生日那天，媽就買了給我，裡面有琴譜，寫著１２３４，琴上亦有，只要跟著，就可以彈出首生日歌了～ 這算是第一個琴吧～

之後嘛～ 見到琴都有想碰碰，不過就像見到一個非洲人想跟他說話一樣，不能洗出螳螂拳來一首 “瑪莉有隻小綿羊” 吧，所以都是欲言又止那種狀況啦～

又因為教幼稚園時，又想過的起心肝去學，可惜工作忙，功課忙，逼得自己一團槽～ＱＫＴ都只讀了一半更不用提彈琴了～ 想來又難過又可惜，真的很愛在那兒工作～ 就算到了今天，午夜夢回也會回到幼稚園去～

機緣巧合地，來了部數碼鋼琴，好了～ 終於可以正正經經去好好跟她溝通一下，個多月～ 學了一首歌，雖然不是什麼特別歌曲，不過跟我想像中一樣享受到那種樂趣～ 妙！

http://wp.me/p7cGY-2cI

http://wp.me/p7cGY-2cI

for my man

[ti:For My Husband]
[ar:徐熙娣]
[al:]
[by:蓝色之夜]


------小S Song愛給許雅鈞
詞：WIFE（許徐熙娣）
曲：WIFE（許徐熙娣）
我不需要名
我不需要利
我不需要手段和心机
我只要跟你手牵手一起看电影
我只要躺在你怀里 听你的呼吸
我不要华服 我不要宝石
我不需要住在豪宅里
我只要每天缠着你 听你说甜言蜜語
我只要紧紧抱着你 闻你的气息
我不怕老 我不怕死
我只怕活着的时候你不爱我
我怕分开 我怕遗忘
我不怕跟你一起上天堂
I LOVE YOU I LOVE YOU I LOVE YOU SO MUCH
除了LOVE YOU
还想说 THANK YOU
谢谢你爱我 谢谢你疼我
谢谢你在我这一生陪伴我
让我照顾你 让我保护你
让我用尽全力去爱你
让我帮你剪指甲 帮你拔眉毛
让我帮你把烦恼全部都赶跑
你是我老公 我是你老婆
这是我做过最美的夢
我们要开开心心手牵着手
要相亲相爱走到人生的尽头

stupid mind

I used to wait~~
and i trust that "the best will yet to come"
i met everyone also treat me good, not much girl lucky as me.....

I hate other use their standard treat on me...
I don't think so.....

I hate everyone push me like as other....

I love my Man, I love to spend all my time with him.... that's great~~

I don't think (all of) your marriage life better than me....

一條問題

不算為難，知道係關心，緊張等等的意思，我也不厭其煩，不斷嘗試用很多不同的答案去應答，會有個大家同埋自己都會滿意既答法～ 暫時好似對自己而言還未有一個比較大方得體的答案

不過又不怕別人問～ 見面都係呢Ｄ啦～ 唔係講咩呢～
我又唔會為左令大家唔再去問，又會去做Ｄ乜野～

我會記得細個媽咪話星期日帶我去街，而最後係屋企訓覺，
我會記得同細佬講好猜輸左果個落街買野食，最後我贏左但係我去買～
少事幾椿，無咩嬲唔嬲，but 我介意～

所以我唔會迫人比什麼承諾我，這樣到最後傷的只會係自己～

每次陪高興，真的又感動又高興，背後女主角流過多少眼睙，我都一一記得，所以因此而感動，終於她能笑著得到幸福了，男人～ 如果不是那些愛與包容～ 你會珍惜嘛？！

前途

由細到大，最大既夢想，都係想有一個家，
這比其他來得超重要，又因為重要所以不能求其，
又因為不能求其，又要附加許多相關連的事

原本以為工作不重要，但原來想要一個家，要有穩定什至可觀的收入，
要愈來愈好嘛～ 那麼還要出多二分力，努力工作只可能不至於被炒，
要升職要加薪，額外還要多點實力吧，學歷底又未能令自己去apply更高的職位，

原本以為讀書不重要，但原來想要一個安穩的家，要有安定的工作之後，又要再去想怎樣去攀升，
又要再去努力讀書，去尋求知職，在尋求知識的知時，又會發現，自己真的很多事都要去學要去進步，
結果又去不停地求進步～

這樣之後會達到原來目的嘛？！ 又未必～ ＨＡＨＡ～
不過一定有得著～



無聊地想著：
１０歲朗朗很勁嘛？！ 看我讓你廿年才去學的功夫吧！！ ＷＡＫＡＫＡ～ 天材老人幾十歲考琴～ 勁吧？！！
痴左線～ 我都覺得我真係活在自己的世界十分之開心～ＨＡＨＡ

人情味

想問大家認識你們的鄰居嘛～

昨晚去了一位兒時鄰居的婚宴，當我在ＦＢ知道她結婚時真的很高興，也很久沒見面了，兒時像姊妹一樣出雙入對，無論怎樣都在一起，長大了各自搬走了，也漸漸少了聯絡～

昨晚看見她爸媽，哥哥及弟弟，又是很久不見，還有同住契媽一層的街坊，契媽也是因為媽媽無暇照顧而扥了這鄰居幫忙，她待我和弟弟就像自己的子女一樣，所以就契了我弟弟做契仔了，而我又跟著一起叫她契媽，兒時大部份時間都在她家裡～

以前嘛～ 遠親不如近鄰～ 街坊們都是生活在一起，很親密的，想不到很多街坊還記得我～ 而我當然也記得她們啦～

現在嘛，一來時常搬，而來家家戶戶都早出晚歸，碰面也少呢～

泥水佬整門框

多得apple store 有咁多不同類型的appercation, 前陣子download 左一個名叫"鬼馬歇後語"

呢句我覺得有Ｄ唔明, 阿sir 解釋自己整個門框起碼都要過自己行得過先啦～

哦～ 所以就解 "過得自己過得人" 喇～

我真係孤漏寡聞～ 真係未聽過，
又，現實中又愈到很多又樣也過不了既門框，

我壓根兒就係咁蠢，只不過年紀漸大學精了多少～ 都係差不多地蠢，我不知道你們有沒有類似經歷，
同學出貓，你指證那人，當時我會覺得出貓係唔岩既，為著正義才出手，
換來的是，有些不知是誰的人來鬧你，話你係二五，話你點樣不是，
我又不是指你，點解朋友錯了你還要幫他，點解唔叫佢努力讀書？？？！！！！

真的當時的我百思不得其解，我做錯嗎？！ 為何受難的是我？！
之後岩同錯既事我都唔會再去分，分既只可以係對自己會不會做成傷害～

對吧，無人似我咁傻，每個人都出下貓，偷下雞，人地指出黎就係果個人錯，老師唔發覺就對得人拜得神？！！！

查實到今日心中還是有呢團火，過得自己過得人～

睇完ＫＩＣＫ ＡＳＳ，大家得啖笑完有無啟發，當然有，現實真係有呢個人既話一定一早就橫屍街頭～

每日見住不同既高過頭既門框，好痛苦，我無資格去批判人，只係覺得，己所不欲，勿施於人～

無必要做聖人，只係點解唔可以多Ｄ係人地個角度諗下呢？！

Miss little sunshine

好舊既舊戲，肥珠台３月頭播，我地到四月尾先睇，現在有機頂盒，錄好曬想睇既節目，有時間先慢慢揀黎睇，時間都好用好多...

小妹妹愛選美，一家人齊齊支持，途中各人面對自己困難，可幸溫情滿瀉，就算車子離合器壞了，一家人推車推到去３波段再追上前跳車這爆笑又痛苦的場面，忽然會心微笑，變得有趣～

還有一幕～ 當身邊的人有困難或情緒波動時，該說什麼呢？！ 不用說話，坐在身旁已經很足夠～

強迫消費

今晚本打算像昨晚一樣，因為吃剩一條秋刀魚，打算去超市加點什麼煮個飯，
行行逛逛，其實每天賣的都是一模一樣，你不會看見什麼時令什麼特別新鮮，特別不同，
科技先進嘛，無論什麼地方的東西，一年四季也不同分季節的蔬果，每天都一大堆堆在你面前，
眼花撩亂得跟本不懂選擇，算了吧，秋刀就跟即食麵來個配，好等我不用再費神加一點什麼樣的送菜，

超市現在大得好比一座市政街市，你想要菜嘛，有機還是無機，本地還是入口，就算簡單如一隻薯仔，一個蕃茄都可以有四五款選擇，一排排的貨架，要走到即食麵那一排已不是易事，一心本想昨晚也有點興來個鮑魚雞湯生麵，給我找到了，其實已不是第一次出現這個情境，５包裝，５包...只有我一個人吃，我要可時才吃完，真的吃罷５包，相信同出前一丁的命運一樣，一見到就反胃，剛搬出來貧困得每天都是出前一丁，我記得<大和苦子＞有這一幕，我以為我會像松龍子一樣每天吃麵也可以，實情是吃了一段日子（其實不算長），有一段日子不敢碰到麵這東西，話說回來，最後又轉到其他口味來，又是５包，什至１０包，統統都是，走多３０分鐘我相信都是沒有結果，最後不屈服，回家吃掉最後一個我最愛既燉鴨湯麵算了，說起這麵，又有話說，這麵是泰國出品的即食麵，一小包，麵餅其實都很小，這樣岩我，可以很多魚蛋呀菜呀雲吞呀諸如此類，那個小麵餅就不成負擔，一定吃得完，哈！可是這個都很多時候係媽咪從泰國買回來，我不清楚香港有沒有，或者九龍城之類的地方會有吧，我只是一次在綠陽新村的百佳見過一次，買了～又是５包～ 不過現在想買都沒了，今天逛都沒有了～

真的有沖動在facebook 開個group, “罷買５包裝即食麵，強迫消費”你們會支持我嘛？！

Am I serious?!

社會上不平事每天在發生，一方面事不關己，另一方面真的對身邊這個環境有點點失望，
我知道就算飛上月球天空都是一樣，太陽依舊刺熱，
最後的信念都摧毀了，就像地球沒有水，不飛往外太空，難道坐著等死？！

起碼已沒有留低的意義，興幸在於志不在此，
目標也不在這裡，忽然識諗了，
為著肥珠和我們的生活，我會努力～

學會了

又考完試，比起張ＣＥＲＴ吃力，感覺要認真加把勁，以前會輕言，有錢就得到，
今日在fackbook status 上言到 “終於捱完苦讀兩星期，(對自己說）不要輕言有錢有得讀，要ＰＡＳＳ並不容易”
深感慨嘆自己從前的無知，十幾萬個ＭＢＡ有錢就有得讀啦，相信要上班加苦讀當中並不是易事，付出錢之外，付出時間，心力，諸如此類，總之做人應學會謙虛一點，不要輕言別人的成果，估不到是有人對號入坐說回我從前無知的說話，很想去解釋，不過將心彼己，無經歷過跟本不會明白～

今天仍在努力苦讀時，當初會考有如此努力，今天不用行這麼多的怨枉路了～
不過遲到好過無到，人生總要不停學習不停進步，還有很多很多壞習慣要改掉，我呢條軟皮蛇，我自己都怕怕～ 攪掂自己才算吧，懶理人家說什麼，讀書為回報～ ＨＡＨＡ～ 無人讀書了～

就算什麼也沒有，也享受當中既過程，當中的得著我自己才會知～

懷念哥哥

追
作曲：李迪文
填詞：林夕
編曲：

這一生 也在進取這分鐘 卻掛念誰
我會說 是唯獨你不可失去

好風光 似幻似虛 說明人生樂趣
我會說 為情為愛 仍然是對

誰比你重要 成功了敗了也完全無重要
誰比你重要 狂風與暴雨都因你燃燒

一追再追 只想追趕生命裡一分一秒 原來多麼可笑 你是真正目標
一追再追 追蹤一些生活最基本需要 原來早不缺少 ha...
有了你 即使平凡卻最重要
誰比你重要 成功了敗了也完全無重要
誰比你重要 狂風與暴雨都因你燃燒

一追再追 只想追趕生命裡一分一秒 原來多麼可笑 你是真正目標
一追再追 追蹤一些生活最基本需要 原來早不缺少 ha...
有了你 即使平凡卻最重要

有了你 即使沈睡了 也在笑


哥哥很多經典，我最喜歡就係呢首，轉眼間七年，時間真快，
某年今天，在公司聽住收音機，下？！ 真定假，到今天又七年，
每年都係我既任何online status, 留一句呢首歌既是但一句歌詞，永遠懷念台上的哥哥～

朋友

生日成為朋友間再忙也得出來飯聚的籍口,
疏疏落落，開始有人缺席，出唔到黎，
查實真的咁難？！ 我又不能夠叫大家一定要出黎，
不過就連最後呢一條底線都做唔到～ 一係有多少灰心，
唔係大家夾時間架咩，唔係睇下邊日大家都得架咩，
原來日日都唔得呀～ 又係我太serious了,
唔係我唔想帶頭約，而係有心約又無人應,
應左約又大家等大家幾個鐘，何苦呢～

我想～

真係想左好耐又最現實～ 真係好想好想去一個旅行～

點解硬係人家平常不過的事情～ 我想一千次一萬次，我等了一萬次一千次都總係原地踏步～

好想好想好想好想好多好想，不算妄求不算夢想，個天就係唔比你～吹咩～

FEEDBACK

好相信就算種一盤花，種一棵樹都需要恆心，要耐性，
買什麼護膚品，好唔好用，至少不致敏感，用起上黎舒服，才會繼續用落去，
皮膚有好轉的話或者會encore多次買第二樽，可知女人善變，貪新鮮，再買多樽已經係叫好好用，

feedback嘛，就係回應囉，
種花希望開花，種樹希望愈長愈高，搽cream希望愈搽愈靚，
當然一定唔會咁好彩時常種瓜得瓜啦～

信念又好緊要～ 好多時好多事情都係一Ｄ長時間既作戰，只要相信一定會贏，堅守住目標，一步一步向目標邁進，
心急嘛，當然會急啦，咁但係未係時候就係未係時候囉～
oh~~愈講愈遠添，
個信念能夠繼續堅持，就要靠feedback 囉～ 一大條直路一直往前走，真的很累人，原本背著不想放棄的東西，可能都會因為路途太長而一一放棄，

今日在辦工室，用著手指尾的力氣去完成一大堆量多而簡單到無論既工作～
我在這裡學到什麼，得到什麼，現在在幹什麼，
前面路途又應該要怎樣去走，我信命～ 人地認為你未得就係你未得囉，很奇怪的東西，係咁架喎～
有Ｄ野定格左就係定格左，你要跳出你原有人地認為你應有既框框，你用幾多力氣人地都係框死你，

又好似有Ｄ野無得去強求，拒絕再去有幻想或者係一件好事，半個月以離電話一直間斷地響
放棄投降，有Ｄ野你好想有，好想去努力，結果強差人意，一家人可以有好多種唔同既模式，既然大家選擇既係互不相干，又可必要貪心我的所謂愛，每次都總係呼之則來揮之則去的模樣，要錢要人傾計要搵人陪食飯，就係你地係我身上想要的～

我想要的，有誰知道～

吃力不討好

以前會就住講，不過個夢愈發愈大～ 實在忍唔到～
你心急搵錢咩，我心急你快Ｄ生性點，

人真係無得夠ＨＥＨＥＨＡＨＡ好容易，
抓爛塊面我真係唔知為乜，
不過的我真係唔可以當無事，

放棄遠離一點可能好少少～ 剛想放棄某人，宜家加多人個，
祝你地生活愉快～ 你地開心就得架喇～ 唔好再搵我～

自言自語

有日聽收音機，講起如果小朋友一做錯一鬧鬧鬧，佢地就會缺乏自省，
唔怪得我呢Ｄ無人管無人鬧，有問題唯有自己諗，自己去解決，

跟任何人發生沖突，第一時間當然係人地錯啦，正常我都會發癲地ＡＫ４７亂掃～
事情過了之後，又會不停問自己，我有咩問題，係咪我有錯，係咪我唔岩，
我可以點做呢？！

好煩，人人都有錯，單方面去點做都無用...

又窮又多嗜好之 買書

心情欠佳，心情空虛, 最愛行行書局，買書～
幾十塊錢包羅萬有，鮑參翅肚，投資，心情，科幼，興趣，
想看什麼想知什麼想學什麼想幻想什麼，書中不是有什麼黃金，
至少在書局一定有岩心水的topic....


卓韻芝，跟我同年，比起我叻好多，大膽很多，渴望像她，做著許多自己喜歡的事，喜歡她的文字，有共鳴～



“３１歲又怎樣” 哈！ 剛看書名就吸引了我，看看書面 “還在猶豫自己究竟是‘只有３１’，還是‘已經３１’～”
應該買下來看看究竟啦～ 話曬我都就黎３１～ 呵～ 作者還攞過＜直木獎＞應該不會差吧～ 看得曬再說吧～



整套書，誇張吧？！ 人就是這樣，未必整套有用，總愛集齊一套，這套食經並不是食譜，教你下多少鹽下多少糖，多多少少是心得是秘訣，一向喜愛傳統中菜, 變化多，當中要訣真的要日子去磨，我也煮過‘訂死狗” 豬扒，難食到要倒的食物，煮食就是這樣，要學也不是一次學得到，學學下又掌握到技巧，又可以舉一反十，愛買食譜看，未必跟著煮，想看看人家怎樣煮，跟自己的有什麼不同，取長補短咁啦～

慈母多敗兒

肥珠係我既瀝愛下，最叻都係去廁所，間唔時就咬爛野，
有Ｄ野可能係唔合羅緝，愛令人迷網，又或者當局者迷，
就係有Ｄ不能接受既事你都會去一一咁接受，好多事都睇唔見同埋蓋過左～

今晚珠珠又攪事，如果返屋企果個係我，我諗會好ＤＤ卦，
實在唔識形容呢一刻既感受～

若要人似我，除非兩個我，你無可能叫人去接受一Ｄ超越別人標準既事，
不打緊啦，學會多一點事罷了‵

無啦啦諗起ＥＡＳＯＮ既歌 ‘人總需要勇敢生存，我還是暗中許願”
我重來無咩陰影，只係已經好適應某Ｄ感覺，差的感覺～

新玩具

好想養魚好耐，因為搬新屋，姑仗上黎睇風水，話呢樹要放返個魚缸，
咁就順理成章去金魚街買缸，買魚，買假水草，哈～ 好開心～
多謝阿sir^3^ 啜啜！！

又一新領悟

又搬，真的很煩～
要將所有野packing, 再unpack,
你會scan到屋企每一樣東西，放埋一邊好瓦，
什至有的就連存在這裡有多久都忘記了，
原來日常生活真正需要是什麼，
有多少東西只為一己私慾而花費，
買買買收收收，很多野只是買回來放，
住既地方其實要用既唔多，放雜物既地方就用上大部份～
以後不要買無謂野成為人生另一新目標～

錯曬～

我處理所有感情用事的問題，當明明覺得錯也好，
都會為對方找個下台階，不想對方難受，我都會表示我都有責任，
認為應該要共同分擔～完全錯曬！！！
不懂反醒，還變本加厲，


換來今天的後果，點解你有錯係因為我睇唔到呢？！
我的工作就係負責睇住你有無錯？！
我睇到話你聽又點，仲要聽你死撐，我真係受夠～
我都愛玩，我唔會理會你傾電話上網諸如此類既活動，我都會咁做，
只係你要確保自己完整地完成你既工作為止，求其做完當有人執手尾，
錯漏百出怪人？！！ 你想我要為你核對那一部份至令你無錯呢？！！
你既停職，令我知道每一個temp都比你勝任

大迷信

喜愛中國傳統的熱鬧，求神問卜，希望合家平安，
新年到車公廟拜神，已是跟阿ＳＩＲ的例行公事，
買燭寶的時候，本來話買一份啦，忽然又問多句檔販，
“兩個人一份得嘛？！” （死蠢，買多幾份啦！！）
"結左婚未丫”
“未”
"咁兩份啦”
"哦” （比錢）
“下年買一份喇”
同阿ＳＩＲ 一齊講 “好呀”ＨＥＨＥ
心裡笑左出黎～

買埋個風車，買埋隻老虎做吉祥物入廟拜神，
希望呢一年事事順利，合家平安，正能量就好似被充滿咁呀～

homemade

現在流行私房菜，homemade什麼什麼，大家在乎的是真材實料，
並不是商品掛帥的食物～

大家在天天出街食的生活中，又四處出外尋找在家的味道，
出街吃實在有太多不好的經驗，我也喜歡回家煮得簡單，又滿足到口慾，

或者是我不懂計數吧，要用自家把戲來賺錢真的不知收大家多少才合理了，
就像今天的蘿蔔糕，蘿蔔一半刨粗絲，一半切條，
蝦米，冬菇，瑤柱浸水切粒粒，臘味蒸完又切粒粒，
只是小小工聚，心機卻花不少，要不是弟弟要吃，可能也沒有這心神，
花了一個下午，才完成三底，收多多錢也不會為錢而去做，

所以吃過我的食物的人，都吃過我的心血架～

無重招架

一直我都覺得係我有問題，我應付唔到，


我唔忍到幾耐，唔好怪我要爆，明知我既脾性，即是擺暪蝦我姐，
“叫你做，不如我自己做“ 對住呢個人我只可以呢個反應，

呢個人仲心安理得，你鍾意做咪你做囉～ 我可以點？！

next station is...

人總愛新一年，愛重新開始，愛重頭來過，
就好像舊的事情可以一一抹掉似的，

就像肥珠Ｄ毛，住久了, 無論如何清潔都係成屋企，
搬過一間屋，又可以跟成屋毛分別一小段時間，

搵地方，packing, unpacking, 真係好煩，不過總覺有事煩又來得積極又有計劃，
真的賽翁失馬，面對呢一Ｄ決擇既問題，阿sir多數都會問我點做，
一年前，我會不知所措，心諗，你想點就點啦～ 你問我做咩姐，你話點未點囉～
上個星期，又出現難題，呢次好快就決定好～ 感覺係大家有共識點做，然後共同去承擔，
感覺好唔同～

負公民責任的狗主

養狗，一生一世，真的不簡單，
新屎坑三日香，你會覺得佢可愛幾耐？！
呢Ｄ老土野唔多講，總之三思，三思完，最好都係唔好養喇，promise 愛一個人也未必能夠兌現，
更何況一頭畜牲？！


養一生一世已唔簡單，而更深層面既係，愛你隻狗都要愛住係你附近而受你影響的人，
帶狗落街，大小二便，唔係只係你屋企乾淨就唔關人事，請帶備報紙及膠袋，包好先掉，唔係求其搵張紙掉落垃圾桶叫“執左”，吐啖都要用紙巾包好啦，更何況係 “狗屎” ？！ 你自己想想？？？？！！！！！！

狗尿執唔到，所以另備一樽水，沖淡Ｄ～ 唔洗傳來惡臭尿味同“拿”爛Ｄ電燈柱～ 我肥珠咁大隻都係帶１lite水，小狗都係一細支就可以，行到累佢地又可以有水飲～ 幾好呢～


教識你隻狗，平時唔能夠亂吠，難架，要好有耐性，一吠就打咀仔，要佢明白係屋企要安靜，呢Ｄ叫己所不欲，勿施於人～

養狗好慘，驚狗既人不在話下，租樓住被歧視，我都唔怪得人，因為太多不負責任又無公德既人，你叫人點尊重你養狗丫？！

養狗，一生一世之外，好似細路仔咁，要教，要學點同人相處，要學守規舉，先會人見人愛～

前進了

停滯不前的感覺終於稍為有少許前進的痕跡...

真的，要跟一個不愛說話的人談戀愛，你就是說一百句也未必回答到一句是有用的，
有用既意思係我會get 到個meaning, 知道想法.....

在嚴重出現重重困難之下，得到那丁點的成果，又會覺得何奇珍貴，
最少在那看不到的盡頭，叫到掂到個check point,

那個強烈的感應又再回來～

農曆新年plus情人節

我想收一棵大桃花......


咁既重疊日，是好是壞呢？！

努力中

愈在學習，愈在向上，就會更加發覺自己有很多事不懂，更多事不認識，


返左學，lecture 可以講到比你聽既知識更多，並不是在幾頁hangout上，
好多時佢地都好樂意share係工作上又或人生經驗上既知識，呢Ｄ野就睇我地自己get 到幾多，
正所謂塞錢入你袋，

面對工作，其實心情一直都不好，
沉著地應付，放開了只係心情，被困的感覺愈來愈強，
唔想食美心，唔想搭suttle bus, 唔想聞廢氣，唔想聽廢話....

睡眠質素欠佳

平時總一覺睡到天光，自從業主要收樓，就沒有一天好睡了，
半夜又醒，其實都已放鬆心情，又或者小小的不安騙不了自己，
總係想像不了之後會住一間如何既居所，近期看的樓盤又貴，又殘舊，
惡夢好似又再來臨咁～

.

當了解一個人太透切，從前什麼都說，怎樣說三道四，怎樣應付朋友，家人，
所以每一句說話都聽得穿聽得十分透徹，
不是事情大小的問題，而係我好憎人講大話，ＨＥＡ我，當我咩，
每人都有權掌握自己既時間，有時就算爽約都無需要解釋，如果係朋友既話，
我自己都唔方係好人，有時心照啦，大家臨時有更好既option, 就去那處啦～
that's all~~ time is money, no need to waste on any thing u don't want to spent.

society warming

今日去完rambo餐喜酒，走過灣仔地鐵站口，有一老伯在賣生果，
即時反應係有咩可以幫佢買，於是買左十蚊三個蘋果，比左廿蚊，個心停左一陣....
"唔洗找啦～” “老伯微笑點頭多謝”

其實我無幫過乜野，我都只係要買我想買既野，廿蚊三個蘋果，
可以幫襯下老伯，肥珠又有蘋果食，真係好抵....

香港真正需要係要多點人情味，多點關懷，
慈善show 個個月有，一點溫情都沒有，錢錢錢～ Ｄ錢點去用點去幫呢？！
大家都唔知，大家關心的只係邊個捐幾多，嘩，咁有錢既？！ Yumiko 會唔會再走光，

香港仲有好多小市民小生意在做，除了百佳，惠康，日本城，萬寧，屈臣，
就算花多十元百塊，相信大家花得起，最新電話數千元都唔洗諗，留意下身邊的小商戶，
香港還有他們存在，
我地以前既文具店，家品店，佢地仲係樹同李＋誠爭緊長短架～

..

I LOVE YOU!

樓呀樓呀～

每次遇到不明既事，就勢必上網搵到底～

呢兩日， 租盤賣盤樓宇按揭，乜都睇一餐～

滿腦子菇之後（先前細佬話要種菇@.@), 宜家滿腦子都係樓～

除左買六合彩，我暫時都未有其他辦法～ 不過又唔係咁悲觀既，

因為都未睇樓，但係宜家個尺價真係一時無兩，當上一年我地賺左囉～

move!!!

又move........
um... 唯有叫自己再比心機搵錢，比個安樂窩肥珠～

叫做settle down左一年，算係咁～ 好事希望會繼續隨改變而靠近....

租同買各有難處～ 都唔想得咁多～

goodbye kiss

愛情不單每天澆水施肥.... 充足的陽光，新鮮的空氣～
就好似玩ＴＶＢ個Ｂ呀～ Ｂ仔個仔呀～仔女個女呀～ 咁樣.... 不停重復又再加入新原素～

在意的不單止一個goodbye kiss～ 如果每一個細節會因為時間而慢慢地省略.... 偷偷地溜走的何止一個kiss...

工作時嚴謹，對著愛人又怎可以鬆懈～

上車下車

有緣千里能相會, 無緣碰面不相逢....

返學都幾得意....報cert的時候見到一堆同學...
下個MODULE又會有d熟口熟面, 有d又未見過...
到宜家pro dip... 又會有d人同係一起前進... 有d終途離開...
更有一d因為報course既時間唔同...下個sem可能又見返~~

朋友都係一樣.... 從前愛打牌朝夕相對打得天昏地暗, 現在可能各有各忙,只能抽空飯聚,
又或者將來小朋友大了...老來我們又會天天在一起打牌飲茶~~

睇完revolutionary road....劇情真我有點悶得發慌.... 不過又深深感受Kate Winslet果種痴線,
女人就係會好dramatic咁想佢既愛情, 因為生活因為小孩而變成另一回事, 其實本身係一個幸福家庭, 只係心理想錯方向就會變成大錯..... 做人又不用太悲觀....哈~ 其實一D都唔慘~~

TVB無劇睇... 不停租DVD返去~~ 以後講飲講食講扮靚, 仲可以寫埋影評~~WAKAKAKA 天才~~

運氣

再一次証明了，實力當然重要，沒有運氣的話跟本沒有發揮餘地，只有屈屈不得志......谷埋一肚怨氣，

打牌咁，有運氣時Ｄ牌迫你做大, 再送埋上門自摸～ 純實力情況下只能力保不失，唔好話食出，不出沖已偷笑～

上星期跟住附近既朋友吃晚飯，她正煩惱被上司照肺，present唔合格，未能達標，我還得把口地出口相助，給她一點點意見...... 不過心裡總相信她一定可以，做了九年sales 不會白過，總有著令人費解人家buy 她的道理... 我認為既然踏出了轉工這一步，就不能回頭望～ 我相信信念, 正如她相信神一樣....

結果一星期後，re-present 要延遲，但她已經開了兩張單～ 連開單應點做還未清楚的她，傻頭傻腦地，又掂左，ＨＡＨＡ～ 都話你掂架啦～

MY NEW BLOG

用space 都用左好耐，轉下新環境，繼續跟好友share 我既心事，我的好事跟壞事，

寫blog 其實心情很復雜，寫在一本簿裡好無顧忌，寫在這裡就會想想有什麼人會看見，你們會有何看法，我又要必須好好的過濾，好歹我是一個不節不扣的三八，好歹我有不少交心友真的關心我～

我會繼續努力地寫寫寫ＨＥＨＥ～ 回頭看著自己的著作，你們的回應，總會會心大笑！！