車公

老婆：今年洗唔洗買LOOK 大LOOK D既香～好似好勁！！
老公：（一貫回答方式）你話事啦～
老婆：（又廢UP）不過我地又唔係做生意，唔洗咁勁啦～～
老公：做生意先要架咩～
老婆：唔知呀，不過好似做生意D人多數拜車公，我老闆年年都拜，同埋車公關於車丫嘛（又亂UP），可能有關～
老公：咁我咪要拜觀音？！
老婆：下？！（個腦停左，轉唔到）
老公：咁我做AUDIO 嘛～
老婆笑到收唔到...... 白痴仔！！！！

每一年都拜車公，還記得有年唔識問D賣香檔咁兩個人洗唔洗買兩份，
個阿姐答我：未婚買兩份啦～～ 下年買一份啦！！
結果第二年我地就買一份喇～～HEHE
今年分別一家三口求簽幾張都係中上簽，希望來年順利快樂健康，
其實每一年我都係期求呢三樣看似簡單的願望，但實在決一不可！！！

小孩子嘛~

近日鬧得熱烘烘，火車內進食，內地人第一句「小孩子嘛~」令我想起年多前同老公吃茶記坐卡位，我後面的小孩騒擾我，老公見狀跟我換位，佢仲攪，我開聲閙佢，那big6女人又係話「小孩子嘛！」佢當然比我閙得狗淋頭啦~ 怪不得強國人從來不懂尊重人及公德心，「小孩子嘛~」從小就無家教！

呻~~

每逢遇到一D令我深深不忿的事，腦內會不停地團團轉，我不停地在想，又同自己講野，唉~ 怨氣總是屈住~ 救命~

我唔想阿女公主病，我唔想阿女持寵生嬌~ 所以每樣事都好緊張~

點解老人家都自私~ 淨係諗自己，浄係諗自己想錫佢想呵佢~ 咁會害左佢！

仲要話阿B宜家識揀人~ 自以為是，我想嘔！

善忘

由於電腦放了一個不方便的位置，又剛完成了PAMPERS的十篇，本來有很多的秘密很想分享。。。
但現在卻通通忘記了～到底在想什麼～～～

零零碎碎的碎片～～～～～
～BBQ七個月了
～結婚一周年
～D﹠G好多人
～林峰金曲獎
～頒獎禮得獎歌／人我都不認識，我太OUT？
～食慣住家送，出街吃肚痾
～近期傑作：合桃糊，西洋菜餃
～BBQ Sleep training

告別2011

2011年最重大件事當然係貶下眼變為人妻，再成為人母，
日日為工作忙，今年可以為自己而忙，所以時間忙得份外快，
一向都覺得貶眼又一年，時間真的不留人。。。。

現在希望時間可以慢一點，BBQ不要快高長大，很ENJOY她扭計撒嬌的模樣，
小孩只有這幾年會痴實你，我要好好珍惜這段時光，。。。