AMAZING BBQ 前傳～ BBQ MAMA

最AMAZING 的一件事，應該係我自己，
無論心態，行為，習慣，對事情的看法，脾氣，成個人的所有都不同了，
有時同老公講 “我好媽媽～” 咁佢會回的一句 “咁你係媽媽丫嘛～”
可能真係當了媽媽後就會將身體入面的媽媽因子誘發出來～

從前好懶，很多事放埋一邊“得閒先做”，就算得閒都未必去做，
宜家有野整，拿拿聲做左先，BBQ除時ON CALL 唔係話做可以做，
貪玩的我，每次GATHERING一定留到最後，盡慶先肯離開，宜家睇住表做人，
怕BBQ太晚回家～
現在很多活動可以推都推了，BBQ太少都不適合四圍去～
總之所有事情都是BBQ為先～～

AMAZING BBQ X ﹣MY PAMPERS

感謝呢一次PAMPERS攪既呢個活動，令我每日都會想想BBQ有什麼奇妙的東東可以跟大家分享，
BBQ出世以來都係用PAMPERS，以下感想並無廣告成份，純粹用家感想，
未必中肯，因為BBQ未用過其他牌子。

AMAZING黎到十，留返LAST 先講，就係同尿片有關，
BBQ出世以來從未因為片濕而吵鬧過，就算便便了都無吵，

我這懶媽媽，有時濕少少又無為意真係唔會換得咁密，但TOUCH WOOD， BBQ個PET PET仍然原好，
要COPY 佢地果句 “就算訓左成晚，依然無漏”，訓醒已十多小時，條片真的“幾斤重” PETPET仲係乾爽～ 都真係好奇妙！

各位媽媽以及準媽媽可以一齊分享您地既奇妙，索取試用裝架！！
http://www.facebook.com/PampersBBClub

AMAZING BBQ IX ﹣鏡頭敏感B

BBQ幾個月的時候，望住我手機就會笑，我以為是我的BLING BLING CASE太靚引到她笑～～～
現在她半歲了，我有時方便去街，會換個比較方便既CASE，
但每次無論用手機或相機對住BBQ，佢都會識望鏡頭和做表情，
好有潛質做MODEL呢～～～～

AMAZING BBQ VIII ﹣ 牙牙學語

現在除了試坐，識玩玩具，今晚同朋友聚會，BBQ還跟著一起說話，
丫丫丫咁講左好多我地不明白的BB話，
呢D BB獨有的語言，又可愛又好聽！

大家都可以分棄你地懷孕或BB的奇妙時刻，索取PAMPERS 試用裝！！！

http://www.facebook.com/PampersBBClub?sk=app_275430469160025&app_data=e707

AMAZING BBQ VII ﹣ 坐起來

早一星期BBQ還未坐穩，仲要的扶住先勉強叫坐得到，都有少少咁多多擔心點解還未坐得太好，雖然健康院姑娘都話OK～～
直至尋日約左朋友仔TEA TIME，未去到之前，朋友問的要唔要BB椅，我猶疑左一陣，“UM都好丫，比佢試下，佢未坐過”
去到放佢入張HIGH CHAIR，居然已經坐得非常好，每一次BBQ懂一樣東西都無預早通個我～ 日日對住佢都給我無限驚喜～～

AMAZING BBQ VI﹣愛洗澡

係唔係每個BABY都愛洗澡呢～ BBQ就喜歡除衫(咁細個咁豪放）,每次預備沖涼，幫佢除衫後，佢就表現得很自在又舒服咁，
有時沖會啍起作D BB話歌，好開心咁，不過的就辛苦D喇，佢開心既時候就郁來郁去，我又怕佢冷親，成日想快D沖完，
天氣凍左好多，但都好似不知冷，除衫依然咁HAPPY～

AMAZING BBQ V﹣上天的禮物

懷有BBQ開始，我已預左湊BB好辛苦，好麻煩，
但BBQ出世以來，佢帶比我既係歡樂喜悅比較多～
我都成日不停重復地跟老公說 “呢份真係一份禮物，一份很好的禮物～”

P.S. 因為我成日覺得肥珠係黎羅債，好多麻煩野但我又好甘心服侍呢隻野，而BBQ就真係樣樣都順意～HAHA兩個都係的命根！

BBQ參加了PAMPER舉行的奇妙之旅，請大家CLICK 入去支持下啦！！！ THANKSSSSSSS！！
www.facebook.com/PampersBBClub?sk=app_275430469160025&app_data=s707

為了頭家

老婆：為左你先咁做咋～ （已忘記為何這樣說）
老公：我知，我明～～～ 就算你做出違背良心的事都是為了我～
老婆： =.='

又一無言之事～～～～～

上面只是笑一笑～哈！（笑完）

各人有和人的位置，為這個家出一分力，
原本以為FULL TIME MAMA 是一份EASY JOB，
可以很懶什麼都不做～
但要做起上來可以不停有事要辦～ 賴在家不事生產總有點壓力，
要打理屋企，就算不要井井有條，都不要亂完八槽～
做極不完其實也未做得太好～
執下東執下西，洗下野，收下衫，衫還未熨..........決定記綠在案，
現在打多幾隻字又零晨三點了，明天8點又要起身餵奶，早抖！

BO-LO-GIE @SHATIN

BO﹣LO﹣GIE 在海港城開店後，一直想試，時常聽見好評，
總想親身一試，奈何BBQ出生後，不是說想去那就去那，
終於某日一家三口逛沙田時，看見圍板 “bo-lo-gie coming soon",
已引頸已待。。。。。
就在開張那天，剛巧又在沙田，即買了他們的招牌丹麥方包～
回到家放入焗爐幾分鐘，外表平凡，內裡鬆軟香甜，什麼都不用加已經好好味～
所以昨日帶同BBQ去親身TEA TIME，來了一個SPECIAL BURGER SET，
比想像中稍遜，牛肉無什味道～ 不過不失，都是招牌包好味～

AMAzING BBQ IV﹣美腿生輝

BBQ努力嘗試了多次，有時被爸爸發現阻止，
昨天打完三針後回家成功吃到她的腳趾，
爸爸時常話DIRTY阻止她，我這頑皮媽媽忙著拿相機拍照～～WAKAKA

昨天姑娘話BB會一天天自己就學懂多一點，如果我們多加幫忙，BB就快一點學懂，
我這懶媽媽也不太著急，享受著每天又發掘BBQ多一點點～

試了一星期米糊，今天煲了粥仔加紅蘿蔔，不過好像不太喜歡，
吃了幾啖就發脾氣，最後益了肥珠，現在BBQ開餐，肥珠也高興，等著BBQ吃剩牠有得執手尾～HAHA

媽媽情意結

由細到大，我媽只會在我生命中間斷地出現，
小時候，我唔知佢係做咩工作，總之每一次離開會告訴我”返工“，
但都不是REGULAR地接送我地，
我同細佬總是寄居在不同的家庭，

見面的時間很疏離，我不知道她何時會出現，
但不知那天性就是看到她感覺是與別不同，

就算今日她陪BBQ去打針，當有需要的時候，我可以叫聲”媽咪“
感覺非常地良好同實在。。。

我的後門～

老婆：你成日OT，我聽日買盎龜鈴膏你吃啦～
老公：好呀～
老婆：如果我記的既話我會買的，都係開定個後門，我未必記得～
老公：放心～ 你的後門我為你長開的，如果你記得我覺得係BONUS～ ^O^
老婆： （無言）........

其實呢D類似令我無言的對話多的是，真的無話可說，難得你了解我，
如果換轉我可能會發癲，不過對著我這無賴又可以怎樣～呵呵！

AmazING BBQ III ﹣拿東拿西

BBQ的一雙小手開始靂活起上來，每樣事物都愛攪一餐，
就連每天要換上好幾遍的尿片也愛玩弄一返，
每次要她不要亂攪她總嬉皮笑臉，但我又偏偏愛看這張臉，
看見那雙靂活的小手又開心上來！

學壞一天，學好十年

暫時還未忍心放BBQ在床由得她喊好幾小時加好幾晚，令她自己入睡～

有一晚實在抱得腰骨都斷還未訓，以至另一晚貪方便讓她食著奶睡著，
就是這一晚，每她更依賴我，食著奶睡不是問題，但半夜又找我，
這不是辦法，唯有重新TUNE UP返不可吃著奶睡，
習慣那麼快形成，可是要戒掉要用上十倍的時間！！！！

這數晚告訴我，現在只是開始，以後的日子，
BBQ在不斷地試驗我地底線，試驗我地耐力，
所以我要告訢自己，無論如何都要更正，
再大一點真的要迫她自己訓了～～

咸魚保存大法

屋企個個知我愛吃咸魚，我又吃得慢，始終都不能吃太多，
所以要好好保存，經的多番試驗後，其實最好都是盡快吃掉～ WAKKAKAKA

食唔曬，還有計仔，
不要清洗，將原條咸魚切好大約每次要吃得份量，多數那個我不要，
若不想浪費就去滾一滾那個咸魚頭豆腐湯吧，
之後逐件包裹最少兩層保鮮紙，再放入密實袋，然後放入冰格，
到要吃時才拆開保鮮紙洗一洗就OK！！
同剛放入雪櫃一樣不會失去水份和那陣令人難然抗拒的香味，一一保存下來！！

AMAZING BBQ II ﹣耍脾氣

前一天提過那些轉身，學坐，一直都不急著BBQ會學懂什麼，
因為我明白總有一天她會做到，只是有早有遲吧～

最想像不到應是她那脾氣，少少肚餓，少少唔LIKE我行開，
她就不留情面的咆哮，但稍為��一��她又會笑得卡卡聲～

早個月還可以任我魚肉，今天就開始要教她不要亂耍脾氣，
看著這小小人仔，脾氣真像我，哈哈～ 身邊的親人朋友受得多了，
上天好像叫我好好享受我自己那副脾性～ 真的可笑～

剛剛暗了她睡著，她揉揉小眼睛，轉個身又睡著那姿態又跟他那懶訓爸爸十分相似，
可這回不是爸爸受，而又是我這媽媽的重大責任，幸好真的像爸爸睡著了火燭都不醒，
我都可以有覺好訓喇～～

愛莫能助

曾經聽信佛的姑姐講過：幫人都要講緣份，有時不是你想去幫就有人比你去幫

自從自己十月懷胎未被人讓過坐開始，每次坐車都會留意有無人需要我的坐位，
有沒有老人家有沒有大肚婆，成功讓坐的機會真的不多～

唉～ 好想講某些事，又不想太公開，
我擔心都無用，人地覺得自已無問題，我又何必多餘，
一個流浪漢愛訓街，又點迫得到佢返屋企。。。。

機會著實多，有把握只是一剎那又談何什麼成果？！
於是又重新再尋找所謂機會，不停熄機再打另一個GAME
永遠打不爆機～

奇妙BBQ

為人母已五個多月，看著小小生命一天天的成長實在奇妙，
由出世學懂吸啜母乳開始，然後學會四圍望，再發現自己一雙小手，開始拿東西，
再發現自已一雙小腳瓜，努力地試著吃她的腳趾公，現在左右轉身都難不到她了，
這些一點一點的加進去，我並沒有教這教那，她自己慢慢就學會，
第一次當媽媽，每天就是發現女兒又識多一點點，實在興奮，
打算過農曆新年後，找工作，做回在職媽媽，賺多點錢，
說實在，真的很享受現在一天一天看著她長大，不想找工做呢～～

變

人生有很多不同階段，求學，工作，結婚，生小朋友，
還有很多預計不來的變化，
難捱的日子捱下捱下又會捱了過去。。。。

那狗又如何？ 牠一生最多是二十年，
如有「有幸」成為一隻寵物狗，「無風無浪」的話，
牠會是每天等主人回家，跟著主人溜公園，玩耍，
在主人的旁邊一直守候著，直至有病痛或者百年歸老。。
正常短短幾句己講完的一生～

可惜實情並不是這樣，狗是不變，可惜主人太多變數，
狗會經歷主人的萬千寵愛，也可能被冷落，也可能被厭棄。

我就是那個主人，今晚「心血來潮」替肥珠「認真」的梳毛，
牠並無因為太長時間被疏忽而顯的興奮，還是從前的舊樣子，
舒服地訓在地上享受我為牠的「服務 」，
牠望著我的眼神令我覺得自已獨一無二，牠沒有改變，
說牠變了會是因為我生活上的改變而令牠要去配合我的生活，
現在日間要照顧BBQ，要等到BBQ晚上睡了，在我沖涼之前才能打理一下肥珠，
跟牠玩一會兒，感覺像偷情～

當我抱著BBQ錫的時候，肥珠會坐在一旁的一樣地守候著，
曾經有很多很多的懷疑，不，是生安白做！！ 因為從來無証據又唔識肥珠的人，
說牠會妒忌，呢D簡直係以小人之心度君子之複。
所以每次有人說起肥珠我都會非常激動，

為何人總愛說三道四去 judge 一條生命，
牠們沒有答辯權，亦無法開口去解釋，實在不公平。

其實，要照顧BB，又要養狗，真係做多好多野，好麻煩，
做主人﹠媽媽應該預左，又或者係話甘心咁去做，
但無必要再去應付「其他人類」的所謂「質疑」，

打左一大堆其實想講好多野，但又唔多中POINT，
其實宜家無人再夠膽叫我唔好養肥珠，
不過身為一個又小氣又記仇的女人，
我係好梗梗於懷呢一件事，我真係好憎人講肥珠半句壞話！！

快樂﹠健康

有時我知緊張個小朋友，
得閒得滯就無野搵野煩～ 我唔講誰人喇～

好彩係我對BBQ最大的要求只有快樂同健康，
所有無謂的比較我是不會理會，
咩高D矮D肥D瘦，一陣又人地四個月出牙～
人地一個月識飛唔通BBQ又要飛？！

我見到BBQ健健康康我已感謝上天賜的一個健康寶寶，
呢一份已經係最好的禮物， 很多小朋友出世就要受病痛既折磨，
如果我要再去介意BBQ ”好似細粒D“， 衰D講我覺得好折墮～

購物慾

香港人對某樣興趣產生好感時，自不然不是了解件事，
而是要消費，近年興影相，於是那些專業相機好賣到不得了。

當了媽媽亦然， 想買最好的給寶寶，有無需要是另計，
我已算控制內，都從手了一回，原本朋友就送了個電奶泵非常好用，
上網看見其他媽媽說又好用又平，結果又從AMAZON訂回來，
貨到後即時後悔，好彩放回上網賣得不用蝕，
呢次教訓令我不會胡了買東西給BBQ了，
寶寶一歲還未夠，他需要的相信不是任何物質，
衫仔他不懂美不美，只在乎夠不夠暖舒不舒適，
嬰兒車更不在乎豪華與否，因他最想是被抱著，
明白所有最基本，可以買少很多東西。

找回什麼

當了全職媽媽兩個月，我這懶人，不能說得上是喜歡工作多些，
只是全職媽更困身，如果說喜歡工作多些，不如說是想有多點自由的時間吧～

BBQ的爺爺麻麻對她照顧周到，我根本沒有不放心，
要我的起心肝放棄自由只是因為WEEKEND過後返麻麻度那一晚，
BBQ都會“唔知係咪掛住媽咪” 好扭計，
聽到呢句說話，感到那種小孩的無助，那揭斯底里想要那安全感的哭叫，
我的心就軟下來，世界上沒有任何人可以取代那種安全感，哭透才能入睡對一個小孩來說太殘忍，
或者覺得我誇大了，那只可能是童年陰影吧，我不知道～

一個小孩由出世至長大成人，他對父母的需求會隨著年紀的長大而減少，
即我們要表達對兒女的愛是有限時，他會一天一天地長大，而我們就要由他出生那天緊緊抱在懷中，然後拖著教他走路，然後放手讓他跑，在大一點可能間不時來個擁抱。。。再大一點他已有自己的生活模式，自已的人際，他不再需要父母，
全職媽媽只是配合她的起步，期望她成長路上不會有太多虧欠，之後走得更高更遠～

平胸奶媽

一向飲食都會選擇有機，天然，不多下調味。。。。
對於BB的食物當然都會選擇最天然又對BB最好的食物，母乳。。

懷了BB開始，就一直想餵母乳， 可是最大的問題是我本身 ”無乳“，
到底可不可以餵哺我的寶寶，心裡很多很多的問號。。。。。。

想不到人體實在奇妙，身體為著寶寶的需要，會自然調節，哈！
又平平無奇的身型，慢慢變成一個 ”大階B“，所以懷孕後期已經消取許多的疑慮，
還有最感恩是老公都很支持餵哺母乳，
現在寶寶已四個月了～～ 看見她吃著自己的奶水快高長大，真的很滿足呢～

新生活

過了三天， 我由細到大都好想過的好媽媽好老婆生活
同想像差不多，當然說很捧又未到～

以前掛住返工，好多身邊重要的事情都忽略，
家中大小事務會時常忘記，家務總算兩個人一起分擔，
但都不可以叫整潔舒適～

現在可以全心全意去照顧身邊的人，
老公叫我去買的東西要辦的事都辦妥，
家中一步一步希望可以更整潔，起碼不像狗窩吧， 哈！

原來我並不是那麼善忘，只是滿腦子工作的事情，裝得太滿了，
現在可以好好享受照顧BBQ，照顧老公，還有肥珠，實在太美滿了～ 哈哈！

姨媽姑姐VS 三姑六婆

在卡樂b出生的前一天，
老爸告訴我表姐的婚事取消了，
我只是「哦」應了一句~
婚姻大事弄得取消總有原因吧，
等有空才找當時人聊聊，我當時這樣想~

及後卡樂B出世，姑姐們都有到訪，
話題除了卡樂B就當然提及表姐取消的婚事，
全部口徑一致「咁大個人，婚姻大事唔係想清楚架咩？！」
我跟老爸說「也好，想清楚不用離婚收場」
他居然回應「現在年代離婚等閒事，所有事都辦了，不能一句不嫁就算」

作為長輩，叫得一聲「姨媽姑姐」，
為何口吻像「三姑六婆」，
為何那樣自私，不是以當時人的幸福為依歸~
「她們」就是愛用自己的標準去批評人，
不懂得去支持同體諒一下「自己人」~
今午跟老爸同麻麻說「那個是你的孫，你的姨甥，
是自己人，你們不體諒她，還要像外人般去批評她，
不要這樣吧!」
他們無言~

卡樂B一星期

由十級痛至今日已有一星期多，那個超級痛的回憶終於消減了，
人人話見到BB就不覺有了，在我來說真的幫不了多少，
好痛好痛，痛得要死，生完那一夜還不停地聽到幾把聲音要我用力，
之後還要處理下身得傷口，在於一個喜歡呈強，樣樣事等人做不如自己做的人來說，
太漫長了，全部事情身不由己，舉高兩下手都會痛，
行唔行的快，雖要大量休息同食物，BB又未回到身邊，
所以日子更加難過～～

珠珠 VS 卡樂B VS SIR

在有左的時候， 一班“大人”議論紛紛，
無論那一方也好，都是一面倒，
幸好由發現卡樂B的一刻，我已堅定地同老公講，
有珠珠就有阿B，如果唔要阿珠，阿B都唔會有，
無論係邊一個要好自私咁以為係為我或阿B好我都不會接受，

今天阿珠成功“過底”了比阿SIR去照顧，
珠珠又好似真係定性左，呢樣係我最開心既事。。。

尋日同阿SIR講 “做男人真好，可以同好多女人生BB，又可以好HAPPY，
女人就唔同喇，生BB真係好痛，好幸苦，生出黎之後還要照顧”
咁阿SIR就答我 “男人唔洗養呀？”
OH～ 之後的補充 “做一個不負責任的男人真係HAPPY～攪完走左去真係無符架喎～哈！”

阿SIR因為我﹠卡樂B都好肯照顧阿珠，其實仲照顧得比我好，呢樣係的最感恩.....

一狗一B一男人令我的生活充滿能量～～～ I LOVE U!!!

NEW LIFE

生完卡樂B，提起KEYBOARD幾日，好想寫底D感受，
寫左幾句又寫唔出～

實情我以為自己會好多既母愛，感覺又未有想像中強烈，
當陣痛既時間，我想著我的老公。。。真的好痛，
因為我地既BB，所以我要承受既痛楚，實在比想像中多好多好多倍，
心諗，真係唔係好鐘意果個人真係唔好為佢生，會後悔，
呢D就係我陣痛時想著既東西，
再想著係我同阿SIR既BB，好快就出黎，中間有段時間因為咁宜不太痛，
之後失去理智，成個癲婆咁就不用說了。。。。

好好彩我唔洗痛好耐，呢個經歷難得不過都不想再有，
未知上一代的媽媽怎能生幾個。。。。

生命真奇妙，一男一女HAPPY完的手尾實在令人驚呀上帝的設計！！

HANGOVER PART II

因為第一集，所以睇第二集.....
通常第二集又不會期望太大，始終番炒上一集好難會更出色～

故事的而且確戲軌相同，又係有人結婚，有係寡佬派對，
又係Zach Galifianakis 呢個肥仔攪事，又係唔見左同伴......
只係由LAS VAGAS變左BANGKOK～
由係最後先有相睇～～～ 好似好無突破，好似好無驚喜～
呢個應該係最驚喜既部份～～

我真係好憎果D乜乜試愛既流水式炒冷飯愛情片，
點解人地可以換湯不換藥的精彩！！ 點解可以同條橋又令你再笑！！
不枉我挺住卡樂B去捧場！！

麵屋一平安＠ELEMENT

不評論拉麵，可能個個人口味不同，只可以說並不是我碗麵.....

老公話：或者串燒好味呢～～ 要等咁耐～～～
事緣我落ORDER話要個串燒拼盤的時候，
WAITER話：要得三十分鐘架喎～
咁我話OK！！

WAITER落完ORDER行開之後，
我就同老公講：其實要等得耐唔緊要，係佢地要人客等坐得耐轉唔到檯姐，
同埋其實可唔可以PRESENT得好少少，或者係MENU入面標明，好似好無禮貌咁，要等架喎，耐左唔好催呀，呢D咁耐最好唔好叫啦咁，
佢比我既感覺係咁囉，所以先一定要叫，“等咪等～ 我有時間”

之後我地食曬D野都未黎都無催～ 由ORDER開始計起碼有45分鐘先叫佢跟一跟張單，
比我地既答案係 “唔好意思漏左單，盡快十分鐘整比你”
你話係咪火都黎， 落ORDER時識得叫人唔好催，就醒醒定定唔好衰啦～ 家下十分鐘又攪得掂？！
即係玩我姐，不過宜家D人做錯野只係識“唔好意思” 軟皮蛇，根本唔明白個問題所在，
所以無食到即刻埋單走人！！

FRIENDS 老友記

現在很少看電視，無記所謂的劇集只會縮短我家電視的壽命，
每次都想打爆個電視， 不知所謂～～～
極其量只會看看新聞台，不過現在煮飯多了，
都不能夠望著新聞台不停地重播來送飯嘛～

幸好近期亞視，無錯係亞視既國際台，
現在重播很舊很舊，以前我記得肥珠台都播過既FRIENDS，
片是舊，橋段都舊，不過笑料都不過時，不失為一個送飯好選擇！！

講多無謂

如果要了解一件事，我一定會尋根究底，
現在上網咁方便，要什麼INFORMATION手到拿來，
懂我的人，根本不會多言，真的我不太欣賞那些所謂關心的說話～

生BB當然人生大事，果D咩食得唔食得的東西，最令我反感，
個個扮專家， 其實都係果一大堆我都知既野，係有無生過仔都會知，
大家又樂於製造起話題上來，還樂於叫人戒口，真的非常討厭～

之後到LAST這個月，又說可以食乜可以食乜，
係就買黎比我食啦～洗鬼你提咩，得把口！！！！！

另一階段前

很久很久沒有檢視這裡。。。也沒有檢視自己的心情～
先前總被工作上的阻礙，不合理影響心情，影響對人對事的觀感～～

不想再寫下工作上跟情感上的停頓，所帶來的煩燥，總是人生困局不能走出半步似的～

人總要改變～ 變什麼也好，總會令人有新的體會～

我喜愛接受新鮮事，新朋友，新環境，每件事令人驚喜～

己為人婦，再為人母， 在這之前。。。。心中盤算著我可以做得到嗎？！